سوال:

کیا فرماتے ہیں علمائے دین و مفتیانِ شرع متین مندرجہ مسئلہ میں کہ سفید رنگ کا پرندہ جس کو بگلا کہتے ہیں ، اُس کی بیٹ پاک ہوتی ہے؟ یعنی پرند بگلا کا پیشاب، پاخانہ نجس ہے یا نہیں اور اگر نجس ہے تو نجاست غلیظہ ہے یا خفیفہ ۔

الجواب:

 بگلا کی بیٹ پاک ہے اس لئے کہ  جو پرند ہوا میں اڑتی ہیں اور حلال ہے اور ان کی بیٹ پاک ہے۔ در مختار میں ہے: و خرء ما يذرق فيه، فإن مأكولا فطاهر وإلا فمخفف[الدر المختار وحاشية ابن عابدين (رد المحتار)، ٣٢٠/١] واللہ تعالی اعلم

(ماخوذ:فتاویٰ امجدیہ جلد: 1، ص:33)